Өдөр 1. Улаанбаатар – Замын-Үүд

Аялагчид Улаанбаатар Төмөр Замын төв буудалд 16:00 цагт цуглан бүртгүүлж галт тэргэндээ суун 16:40 цагт Замын-Үүд чиглэлд галт тэрэг хөдөлснөөр аялал эхэлнэ. Энэ шөнө галт тэргэндээ хонож маргааш өглөөний 7:15 цагт Замын-Үүд өртөөнд бууна.

Өдөр 2. Замын-Үүд – Эрээн – Хөх хот

Замын-Үүд өртөөнд буусан даруйдаа хил гарах улс хоорондын автобусанд шилжин сууж БНХАУ-ийн Эрээн хот руу хил нэвтрэн гарсны дараа өдрийн хоолоо иднэ. Эндээс Хөх хотын чиглэлд автобусаар хөдөлнө. /5цаг явна/ Хөх хотод  ирж Оройн хоолонд орно. Хоолны дараа зочид буудалдаа байрлан амарна. Маргаашийн аялалдаа бэлдэнэ.

• Оройн хоол

Өдөр 3. Хөх хот – Саньяа

Өглөөний цайны дараа Хөх хотод чөлөөт цагтай. 14:30–20:05 цагийн нислэгээр газрын диваажин Хайнан ардын Саньяа хот руу ниснэ. Саньяад буудалдаа байрлан амарна.

• Өглөөний цай

Өдөр 4. Саньяа – Сармагчны арал, усан онгоцны аялал

Өглөөний цайны дараа жуулчдын сонирхлыг хамгийн ихээр татдаг Хятадын 4А зэрэглэлийн аялал жуулчлалын бүс болох Сармагчны арлаар аялна. Энд Ази тивийн хамгийн урт далай дээгүүрх агаарын лифт байдаг бөгөөд аялагчид дүүжин гүүрээр Ази тивийн цорын ганц сармагчин хамгаалах дархан цаазат газарлуу явна. Оройн хоолны дараа Усан онгоцоор Саньяа хотын шөнийн үзэмжийг үзээд буудалдаа ирж амарна.

• Өглөөний цай
• Өдрийн хоол
• Оройн хоол

Өдөр 5. Саньяа – Ялонг, шилэн гүүр, ойн хүрээлэн

Өглөөний цайны дараа Ялонг арлын “Газрын диваажин” цэцэрлэгт хүрээлэнгээр аялж, уулын байгаль дээгүүрх шилэн гүүрээр алхана. Мөн сувдны үйлдвэрээр зочилж, шилэн гүүрийн аялал жуулчлалын бүсэд өдрийн хоол иднэ.

• Өглөөний цай
• Оройн хоол

Өдөр 6. Саньяа – Атлантис усан парк

Өглөөний цайны дараа автобусандаа сууж Атлантис руу явна. Саняа дахь хамгийн том Атлантис усан паркт очно. Усан паркт таныг олон төрлийн тоглоом болон үзүүлбэрүүд хүлээж байх болно. 8 давхар байшинтай тэнцэх өндөр эгц босоо усан гулгуураас чөлөөт уналт хийх, мушгиралдсан төрөл бүрийн хоолойгоор хийлдэг хөвөгчтэй гулсах, олон төрлийн загастай аквариум дундуур гулсах, бассейнд сэлж наранд биеэ шарж алжаалаа тайлан өдрийг зугаатай өнгөрүүлнэ.

• Өглөөний цай
• Оройн хоол

Өдөр 7. Саньяа – Чөлөөт өдөр

Энэ өдөр аялагчид өөрийн хүссэнээр амарч, Саньяа хотод чөлөөт цагаа өнгөрөөнө.

• Өглөөний цай

Өдөр 8. Саньяа – Хөх хот – Эрээн

Өглөөний цайны дараа нисэх буудалд очиж 07:30–13:05 цагийн нислэгээр Хөх хот руу ниснэ. Хөх хотод буусны дараа автобусаар Эрээн хот руу зорчиж, буудалдаа байрлан амарна.

• Өглөөний цай
• Өдрийн хоол

Өдөр 9. Эрээн – Замын-Үүд

12 цагт буудлаа хүлээлгэн өгөх учир та өглөөний цайны дараа Эрээн хотын худалдааны төвөөр орох боломжтой. Эрээн хотоос 2 улсын хил нэвтрэх автобусандаа суун Замын-Үүдэд ирнэ. 18:05 цагт Замын-Үүд – Улаанбаатар чиглэлийн гал тэргэндээ сууж Улаанбаатар хотын зүг хөдөлнө.

• Өглөөний цай

Өдөр 10. Улаанбаатар

09:20 цагт Улаанбаатарын төмөр замын өртөөнд ирснээр бидний аялал өндөрлөнө.