Өдөр 1. Улаанбаатар – Замын-Үүд

Аялагчид Улаанбаатар Төмөр Замын төв буудалд 16:00 цагт цуглан бүртгүүлж галт тэргэндээ суун 16:40 цагт Замын-Үүд чиглэлд галт тэрэг хөдөлснөөр аялал эхэлнэ. Энэ шөнө галт тэргэндээ хонож маргааш өглөөний 7:15 цагт Замын-Үүд өртөөнд бууна.

Өдөр 2. Замын-Үүд – Эрээн – Жининь – Халуун рашаан

Замын-Үүд өртөөнд буусан даруйдаа хил гарах улс хоорондын автобусанд шилжин сууж БНХАУ-ийн Эрээн хот руу хил нэвтрэн гарсны дараа өдрийн хоолоо иднэ. Эндээс Жининь хот руу явах автобусанд шилжин сууж аяллаа үргэлжлүүлнэ. Жининь хотод байрлах Өвөр монголын хамгийн том 5-н одтой “Water World” УСАН АМРАЛТЫН ЦОГЦОЛБОР нь 350 км-ийн зайтай бөгөөд ойролцоогоор 3.30 минут явна. Эндээ байрлаад 18:00-20:30 цагийн хооронд оройн хоолондоо орж амрах болно. /Буфет хоол нь өргөн сонголттой бөгөөд амттан, жимс, улаан дарс, пивоор үнэгүй үйлчилнэ/ Та энэхүү усан амралтын цогцолборт 33 төрлийн эмчилгээний халуун рашаан, саун /хуурай, чулуун/, бассейн, жакузи, цайны ёслолын өргөө, шатрын өрөө, кино театр /хүүхдийн, хосын, нийтийн/, бүх төрлийн массаж /төлбөртэй/. Мөн хүүхдүүдэд зориулсан усан тоглоомын хэсэг зэргээр үйлчлүүлж алжаалаа тайлан амрах болно.

• Оройн хоол

Өдөр 3. Жининь – Бээжин – Шувууны үүр, Усан шоо

Өглөөний цайны дараа автобусандаа суун Бээжин хотыг зорино. Бээжин хотод ирээд энэ зууны шилдэг бүтээн байгууламж, архитектурын гайхамшиг болох Зуны Олимпийн XXIX их наадмын төв цэнгэлдэх хүрээлэн болох Шувууны үүр, Усан шоо буюу Water cube цогцолборыг үзнэ. Оройн хоолны дараа зочид буудалдаа байрлан амарна.

• Өглөөний цай
• Оройн хоол

Өдөр 4. Бээжин – Аквариум – Амьтны хүрээлэн – Дэлхийн парк

Өглөө эртлэн босож цайндаа орсны дараа дэлхийн хуурай газрын хамгийн том аквариум хэмээгдэх 3,5 сая литр давстай устай, орчин үеийн, техник технологийг нэвтрүүлсэн Бээжин аквариумд зочлон далай доогуурх туннелээр аялахын зэрэгцээ далайн театрт далайн хав, дельфиний тоглолтыг үзэж сонирхоно. Дараа нь арслан, анааш, эрээн тахь, тэмээн хяруул зэрэг дэлхийн 600-гаад төрлийн 7000 гаруй амьтад цугласан 50,000 м2 талбайг эзлэх амьтны хүрээлэнгээр аялна. Үдээс хойш 14:00 цагт TeamLab Massless буюу дижитал урлагийн музейг үзэж гэрлийн гайхамшигийг мэдрэнэ. Үүний дараа томоохон худалдааны төвүүдээр зочилж худалдан авалт хийх боломжтой.

*TeamLab түр хугацаагаар засвар хийж байгаа тул оронд нь Дэлхийн парк үзэх болно.

• Өглөөний цай
• Оройн хоол

Өдөр 5. Бээжин – UNIVERSAL STUDIO

Өглөөний цайны дараа Холливудын алдарт зугаа цэнгэлийн газар болох “UNIVERSAL STUDIO” цогцолборт очин цагийг хөгжилтэй мартагдахын аргагүй дурсамж бүтээн өнгөрүүлнэ. Та энэхүү цогцолборт хоол болон ундны зүйлсээ урьдчилан бэлдэж авч орсноор цаг болон зардал хэмнэх боломжтой.

• Өглөөний цай

Өдөр 6. Бээжин – Эрээн – Цагаан хэрэм

Өглөөний цайгаа уусны дараа буудлаа хүлээлгэн өгөөд хурдны замаар Эрээн хот руу буцна. Замдаа Дэлхийн долоон гайхамшгийн нэг Цагаан хэрэм дээр гарч танилцана. Оройн хоолоо идээд Эрээн хотод зочид буудалдаа байрлан амарна.

• Өглөөний цай
• Оройн хоол

Өдөр 7. Эрээн – Замын-үүд – Улаанбаатар

12 цагт буудлаа хүлээлгэн өгөх учир та өглөөний цайны дараа Эрээн хотын худалдааны төвөөр орох боломжтой. Эрээн хотоос 2 улсын хил нэвтрэх автобусандаа суун Замын-Үүдэд ирнэ. 18:05 цагт Замын-Үүд – Улаанбаатар чиглэлийн гал тэргэндээ сууж Улаанбаатар хотын зүг хөдөлнө.

• Өглөөний цай

Өдөр 8. Улаанбаатар

09:20 цагт Улаанбаатар Төмөр Замын төв буудалд бууснаар дурсамж дүүрэн аяллаа дуусгана.