Улаанбаатар – Замын-Үүд
Аялагчид Улаанбаатар Төмөр Замын төв буудалд 16:00 цагт цуглан бүртгүүлж галт тэргэндээ суун 16:40 цагт Замын-Үүд чиглэлд галт тэрэг хөдөлснөөр аялал эхэлнэ. Энэ шөнө галт тэргэндээ хонож маргааш өглөөний 7:15 цагт Замын-Үүд өртөөнд бууна.
Замын-Үүд – Эрээн – Жанжиаку – Халуун рашаан
Замын-Үүд өртөөнд буусан даруйдаа хил гарах улс хоорондын автобусанд шилжин сууж БНХАУ-ийн Эрээн хот руу хил нэвтрэн гарсны дараа өдрийн хоолоо иднэ. Эндээс Жанжиаку хот руу явах автобусанд шилжин сууж аяллаа үргэлжлүүлнэ. Жанжиаку хотод байрлах Өвөр монголын хамгийн том “Water World” УСАН АМРАЛТЫН ЦОГЦОЛБОР нь 450 км-ийн зайтай бөгөөд ойролцоогоор 4 цаг явна. Эндээ байрлаад 18:00-20:30 цагийн хооронд оройн хоолондоо орж амрах болно. /Буфет хоол нь өргөн сонголттой бөгөөд амттан, жимс, улаан дарс, пивоор үнэгүй үйлчилнэ/ Та энэхүү усан амралтын цогцолборт 33 төрлийн эмчилгээний халуун рашаан, саун /хуурай, чулуун/, бассейн, жакузи, цайны ёслолын өргөө, шатрын өрөө, кино театр /хүүхдийн, хосын, нийтийн/, бүх төрлийн массаж /төлбөртэй/. Мөн хүүхдүүдэд зориулсан усан тоглоомын хэсэг зэргээр үйлчлүүлж алжаалаа тайлан амрах болно.
Жанжиаку – Бэйдайхэ
Өглөөний цайгаа уусны дараа Жанжиаку хотоос Бэйдайхэ хотын зүг 550км аяллын автобусаар хурдны замаар явна. Энэ өдөр чөлөөт өдөр бөгөөд далайн эрэг дээгүүр амран зугаалах зэргээр өдрийг өнгөрөөх боломжтой. Оройн хоолоо идсэний дараа буудалдаа очиж амарна.
Бэйдайхэ
Өглөөний цайгаа уусны дараа 09:00 – 12:00 Бэйдайхэ дэх Цагаан хэрмийн анхны гарц байсан 600 гаруй жилийн түүх соёлын алдарт Шанхайгуан руу машинаар очин Лаолонтоугийн үзэсгэлэнт газартай танилцана. “Луугийн толгой” хэмээх цагаан хэрмийн эхлэл хэсэгт гарч дэлхийн 7 гайхамшгийн нэгийг үзнэ. Үүний дараа Лэ Дао Усан парк орно. Хятадын хойд хэсгийн хамгийн том усан парк-д өдөржин тоголно. Лэ дао далайн вант улс буюу энэхүү парк нь 100.000мкв талбайг эзлэх бөгөөд олон төрлийн аттрактион тоглоомнууд, далайн амьтдын тоглолт, далайн амьтадтай жижиг амьтны хүрээлэн зэргийг үзэж өдрийг өнгөрүүлнэ. Дараа нь далайн эргийн халуун рашаанд орж, далайн эргээр зугаална. Орой нь буудалдаа очин амарна.
Бэйдайхэ – Бээжин
Өглөөний цайгаа уугаад Хятадын аялал жуулчлалын 4А зэрэглэлийн бүс болох BingTangYu 178м урттай, 2,6м өргөнтэй шилэн гүүрэн дээр гарах болно. Сувдны дэлгүүр болон брэнд дэлгүүрээр шоппинг худалдаа хийх боломжтой. Үүний дараа тус цогцолборын бусад газар болох усан оргилуур, нуур зэргийг үзэн сонирхоно. Дараа нь Бээжин хот руу зорчих бөгөөд Бээжин хот дах Зуны олимпын XXIX их наадмын төв цэнгэлдэх хүрээлэн Шувууны үүр болон Усан шоо буюу Water cube цогцолбор зэргийг үзэн, энэ зууны шилдэг байгууламж, архитектурын гайхамшгийг мэдэрч дурсгалын зургаа даруулна. Оройн хоолны дараа зочид буудалдаа байрлан амрах болно.
Бээжин
Өглөөний цайны дараа Холливудын алдарт зугаа цэнгэлийн газар болох UNIVERSAL STUDIO цогцолборт очин цагийг хөгжилтэй мартагдахын аргагүй дурсамжтай өнгөрөөнө. Та тус цогцолборт орохын өмнө ус, ундаа, хоол цайг урьдчилан бэлдэж орвол цаг, зардлыг хэмнэх боломжтой байдаг шүү.
Бээжин – Эрээн
Өглөөний цайгаа уусны дараагаар буудлаа хүлээлгэн өгч аяллын автобусандаа суун Бээжин хотоос Эрээн хотыг зорин хөдөлнө. Эрээн хотод очоод буудалдаа байрлан оройн хоолоо идээд амарна.
Эрээн – Замын Үүд
Өглөөний цайны дараа Эрээн хотын худалдааны төвөөр орох боломжтой бөгөөд 12 цагт буудлаа хүлээлгэн өгөөд Эрээн хотоос 2 улсын хил нэвтрэх автобусандаа суугаад Замын-Үүдэд ирнэ. 18:05 цагт Замын-Үүд – Улаанбаатар чиглэлийн гал тэргэндээ сууж Улаанбаатар хотын зүг хөдөлнө.
Улаанбаатар
09:20 цагт Улаанбаатарт хотод бууж Бээжин хотоор аялсан аялал өндөрлөнө.
Хятад улс руу зорчихоор төлөвлөж буй аялагч та тус улсын хилээр нэвтрэхээс өмнө 3 хоногийн дотор цахимаар /ЭНД дарж/ хилээр нэвтрэх хуудсаа бөглөх шаардлагатай.
| Том хүн | Хүүхэд 3-10 нас | Хүүхэд 0-3 нас |
|---|---|---|
|
1,790,000₮ |
1,490,000₮ |
0₮ |
